Do të udhëtoni në Evropë këtë verë?
Me industrinë e udhëtimit që është rikthyer me fuqi të plotë pas viteve të pikut të pandemisë Covid-19, banorët e vendeve të preferuara të pushimit nga qytetet ndjejnë ndikimet e mbiturizmit. Qyteti piktoresk i Hallstatt në Austri është një vend i tillë, që ka zënë titujt në javët e fundit pasi qeveria lokale vendosi barriera për të ndaluar turistët të bënin selfie dhe vendosi kufizime ditore në numrin e autobusëve dhe makinave. Grafiku i mëposhtëm jep një ide se sa të zënë mund të jenë disa nga qytetet më të njohura të Evropës, duke përdorur shifrat vjetore të turizmit nga 2019 (viti i fundit para pandemisë) për të llogaritur një vlerësim të numrit të pushuesve për banorët vendas.
Dubrovnik, Kroaci vjen i pari në listë me 36 turistë për çdo banor vendas. Sipas Holidu, agjencia e qirasë së shtëpive për pushime që krijoi renditjen, qyteti është veçanërisht i populluar në korrik dhe gusht. Dubrovniku, si shumë prej qyteteve që renditen lart në listë, ka një popullsi të vogël. Kjo është në krahasim me qytete të tilla si Londra, e cila renditet e 29-ta nga 35 qytetet e analizuara, me një popullsi prej afro 9 milionë banorësh.
Në vendin e dytë renditen qyteti italian i Venecias, qyteti belg i Bruges dhe qyteti grek i Rodosit, të gjitha me 21 turistë për banor. Në Venecia, turizmi i tepërt i është atribuar kryesisht anijeve të lundrimit në vitet e fundit, duke bërë që autoritetet të ndalojnë përfundimisht linjat të hyjnë në qendër të qytetit që nga gushti 2021. Dy qytetet e fundit për të përmbyllur top 10 janë Dublini, Irlandë me 11 turistë për banor dhe Talin, Estoni me 10 turistë për banor.
