Dy nga 4 fëmijët që u sulmuan dje me thikë në një park lojërash në Annecy të Francës, janë ende në gjendje kritike për jetën, ndërsa pamjet nga momentet e para pas sulmit ku duket agresori me thikë në dorë po bëjnë xhiron e rrjetit.
Autori i sulmit ishte një sirian 31-vjeçar sirian, i cili kishte statusin e refugjatit në Suedi dhe u arrestua në vendin e ngjarjes.
Pamjet tregojnë momentet kur autori vrapon nëpër park me thikë në dorë, përpara se të neutralizohej nga policia, ndërsa mes qytetarëve që ishin në park ka një panik të madh.
Menjëherë pas sulmit, autori u qëllua në këmbë dhe u arrestua nga policia.
Autoritetet thanë se nuk kishte asnjë provë për një lidhje me terrorizmin dhe asnjë tregues se cili ishte motivi i tij.
Burri nuk ka precedentë kriminale apo probleme psikike.
Fëmijët e plagosur janë një 22-muajsh nga Gjermania, një 3-vjeçar nga Britania dhe tjetri 2-vjeçar të cilët iu nënshtruan menjëherë operacioneve për shkak të plagëve të marra dhe vijojnë të jenë në spital nën kujdesin e mjekëve.
Dy nga 4 fëmijët që u sulmuan dje me thikë në një park lojërash në Annecy të Francës, janë ende në gjendje kritike për jetën, ndërsa pamjet nga momentet e para pas sulmit ku duket agresori me thikë në dorë po bëjnë xhiron e rrjetit.
