Kina dërgoi sot grupin e parë të ndihmës humanitare në zonat e shkatërruara nga tërmeti në Türkiye-n jugore.

 

Ndihma, e cila përfshin 40.000 batanije, u nis herët këtë mëngjes nga Shangai për në Türkiye, njoftoi Agjencia e Lajmeve Xinhua, duke cituar një deklaratë nga Agjencia e Zhvillimit dhe Bashkëpunimit Ndërkombëtar të Kinës (CIDCA).

 

Në deklaratën nga CIDCA thuhet se Kina do të dërgojë furnizime shtesë në ditët në vijim, duke përfshirë 1.000 grupe tendash pambuku, makina elektrokardiografike, diagnostikime me ultratinguj, automjete transporti mjekësor dhe shtretër spitalorë manualë.

 

Një ekip kinez i kërkim-shpëtimit prej 26 anëtarësh fluturoi të martën, një ditë pasi tërmeti me magnitudë 7,7 goditi Türkiye-n jugore, me qendër në provincën Kahramanmaraş, i ndjekur nga një tërmet me magnitudë 7,6 rreth nëntë orë më vonë.

 

Sipas shifrave të fundit, nga tërmeti që preku 10 provinca në Türkiye jetën kanë humbur mbi 20.600 njerëz, kurse mbi 80.000 janë lënduar./AA