Kryetarja e Kuvendit, Lindita Nikolla deklaroi sot se, Shqipëria vijon të mbështesë fuqimisht luftën e drejtë të Ukrainës.
Në një postim në rrjetet sociale, Kryetarja e Kuvendit, Lindita Nikolla dha një mesazh mbështetjeje në 1-vjetorin e sulmit të Rusisë ndaj Ukrainës.
Nikolla garanton përpjekjet e Shqipërisë për të mbështetur Ukrainën si vend anëtar i NATO-së dhe si bashkëpenëmbajtëse me SHBA në Këshillin e Sigurimit.
“Një vit pas sulmit ushtarak të Rusisë kundër Ukrainës, Shqipëria vijon të mbështesë fuqimisht luftën e drejtë të Ukrainës për të mbrojtur lirinë, sovranitetin dhe tërësinë territoriale. Me Rezolutën e Kuvendit, mbështetjen financiare, humanitare dhe ushtarake si vend anëtar i NATO-s, pritjen e të shpërngulurve dhe kontributin si bashkëpenëmbajtëse me SHBA në KS të OKB dhe unifikimin e qëndrimeve me BE, jemi në krye të përpjekjeve të botës së qytetëruar për mbrojtjen e një vendi sovran”, shkruan Nikolla.
