Janë zbardhur emrat e personave të vënë nën hetim nga policia për vendosjen e 39 kamerave në kundërshtim me ligjin në Korçë dhe Pogradec.
Nën hetim për ndërhyrje të padrejta në jetën private janë 9 shtetas, nga këta, 7 në Korçë dhe 2 në Pogradec.
Konkretisht, sipas News 24, nën hetim janë Zamir Muslli, Albina Qiraxhi, Gentian Çipi, Romeo Staravecka, Arben Berberi, Nevrus Llapushi, babai i Erion Llapushit, Gjergji Romaçka, Petrit Bregu, Marius Dvorani.
Disa prej tyre kanë dhe precedentë të mëparshëm penal.
Romeo Staravecka për “Prodhim dhe shitje narkotikësh”
Nevrus Llapushi, babai i Erion Llapushi, person me rrezikshmëri të lartë i shpallur në kërkim për vrasjen e një personi në Elbasan.
Gjergji Romaçka, babai i Ligor Romaçkës, i dënuar për “Trafikim të narkotikëve”
Marius Dvorani, babai i tij me precedent penal të mëparshëm
Policia tha se kamerat ishin vendosur në disa lagje të qyteteve Korçë e Pogradec, me qëllim sigurimin e informacioneve, për qëllime kriminale, si dhe për të monitoruar lëvizjet e Policisë.
Materialet i kaluan prokurorive të rretheve gjyqësore Korçë e Pogradec, për veprime të mëtejshme.
