Pandemia vazhdon të përbëjë një emergjencë të shëndetit publik me shqetësim ndërkombëtar, deklaroi drejtori i përgjithshëm i Organizatës Botërore të Shëndetësisë (OBSH), Tedros Adhanom Ghebreyesus.
OBSH, pranon mendimin e Komitetit se pandemia Covid-19 “ka të ngjarë në një fazë kalimtare dhe vlerëson këshillën e Komitetit për t’iu qasur me kujdes këtij tranzicioni dhe për të zbutur pasojat e mundshme negative”.
Komiteti i Emergjencës së Coronavirus të OBSH-së ka pranuar se megjithëse nëntipet e Omicron që qarkullojnë aktualisht globalisht janë shumë të transmetueshme, ka pasur një “shkëputje” midis infeksionit dhe sëmundjes së rëndë, krahasuar me variantet e mëparshme shqetësuese.
Megjithatë, “virusi ruan aftësinë për të evoluar në variante të reja me karakteristika të paparashikueshme”.
Komiteti shprehu “nevojën për të përmirësuar mbikëqyrjen dhe raportimin e shtrimeve në spital dhe vdekjeve për të kuptuar më mirë ndikimin aktual në sistemet shëndetësore”.
