Eksportet e tekstileve dhe këpucëve, që përbëjnë një zë të rëndësishëm të tregtisë së jashtme të Shqipërisë, gati 28 % të vëllimit, shënuan një rritje të lehtë me rreth 1.5 % gjatë 3-mujorit të parë të këtij viti.
Referuar të dhënave të publikuara nga Instituti i Statistikave, eksportet e këtij grupi arritën 34.2 miliardë lekë gjatë periudhës janar-mars 2023, kur në 32-mujorin e 2022-shit ato ishin 32.4 miliardë lekë.
Industria fason ka një peshë specifike në eksportet shqiptare dhe në punësim. Kjo industri kontribuon me 38 % në totalit të eksporteve dhe angazhon 45 % të forcës punëtore.
Falë avantazheve të tilla si, pozicioni gjeografik i vendit, kuadri ligjor me standardet e BE-së, kosto e ulët e transportit dhe infrastrukturës, fuqisë punëtore, e gatshme për të punuar në këtë sektor, por edhe investimeve të larta të kompanive në makineri dhe pajisje, vitet e fundit kemi zgjerim të eksporteve drejt tregjeve të reja dhe disa kompani po shkojnë drejt mbyllje së plotë të ciklit.
