Cikalleshi: Do të shkojmë në Turqi për të fituar ndeshjen

0
5

Sokol Cikalleshi po kalon një formë të shkëlqyer fizike dhe pritet të jetë ai sulmuesi kryesor për dy ndeshjet që Kombëtarja do zhvillojë në tetor kundër Turqisë dhe Moldavisë.

Gjatë konferencës për mediat, sulmuesi kavajas ka folur për duelin e vështirë që e pret kombëtaren kuqezi në Turqi.

Pavarësisht kësaj, Cikalleshi u shfaq optimist se Shqipëria mund ta mposhtë Turqinë për të vazhduar ëndrrën në “Euro 2020”.

“Për një sulmues janë golat që e motivojnë dhe na bëjnë të punojmë më shumë për ndeshjet në vazhdim. Jam mirë dhe i gatshëm të jap maksimumin në Kombëtare. Është një nga ndeshjet më të vështira pasi Turqia vjen favorite sepse luan në fushën e saj por shkojmë për të bërë lojën tonë. Ndihemi mirë dhe do ta përgatisim ndeshjen në mënyrën më të mirë. Do të shkojmë në Turqi për të fituar ndeshjen edhe pse do të jetë e vështirë”, tha fillimisht ai.

TurqiaPër të vazhduar ëndrrën, Islanda ishte si finale. Bëmë gjysmën e punës me atë ndeshje por pa rezultat pozitiv në Turqi nuk vlen ajo. Morali është i mirë pas asaj fitoreje me rezultat të mirë. Këtë ndeshjen e Turqisë kemi të njëjtën situatë që pa njërën nuk vlen tjetra.Unë e di që ëndrra për kualifikim është e vështirë dhe nëse arrijmë të fitojmë, nuk e kemi lehtë me Andorrën dhe Moldavinë. Turqia fitoi me Andorrën në minutën e 90. Jemi në rrugën e duhur, me ardhjen e Rejës gjërat kanë ndryshuar për mirë dhe flas edhe në aspektin personal pasi kam arritur të shënoj. Është një rrugë e gjatë dhe hap pas hapi hedhim themelet për Botërorin e ardhshëm por jemi edhe në garë për këtë europian.  Futbollistët po marrin minuta dhe kjo është nga më të rëndësishmet dhe do të jemi mirë. Po shënojmë ne sulmuesit dhe kjo është diçka e mirë e shpresoj të na ndihmojë. E njoh Turqinë sepse kam luajtur por nuk mund të them se do të jem pikë referimi sepse e di trajneri por nëse jam në fushë mund të them se do të jetë ndihmë për mua sepse i njoh. mbetet të shohim zgjedhjet. Skuadra turke ka elementë të mirë dhe futbollistë që luajnë në liga të forta. Kjo ndeshje luhet në fushën e tyre dhe ato janë favoritë. Mund të kujtojmë ndeshjen në Shkodër, por ishte në rrethana ndryshe. Turqia është cilësor dhe ekipet kanë momente të mira dhe të këqija, por Turqia është në momentin. Me trajnerin Reja në aspektin personal jam ndjerë mirë dhe po gjej vetveten e këtë e kam shfaqur në fushë duke shënuar. Kam marrëdhënie të mirë dhe jam i lumtur nëse vazhdon këtu si trajner por mendoj se edhe shumë të tjerë mendojnë këtë gjë. Është Federata ajo që vendos në fund por ne duam të vazhdojë.

Mungesa e HysajtFola pak me Hysajn por mund të mungojë. Është humbje e madhe pasi Hysaj është lojtar kryesor dhe do të jetë humbje e madhe. Edhe ndaj Islandës, bëri një nga ndeshjet më të mira duke shënuar edhe gol. Mendoj se në atë pozicion ka lojtarë të tjerë si Roshi që e bën shumë mirë dhe uroj të mos e ndjejmë mungesën.

29-vjeçari po kalon një moment të shkëlqyer forme si me kombëtaren shqiptare ku ka shënuar në 3 sfidat e fundit ashtu edhe me klubin e tij Akihasarsporin.

KOMENTO

Please enter your comment!
Please enter your name here