Digjen 2 makina në Tiranë, një prej tyre i përket avokatit të njohur

0
11

Gjatë mbrëmjes së djeshme janë djegur 2 automjete ne zonën e “Vasil Shantos” në Tiranë. “BalkanWeb” mëson se një prej mjeteve të djegura është në pronësi të Loren Lico me profesion avokat, por që e kishte në përdorim nëna e tij, Arjana me profesion gjyqtare në Gjykatën e Tiranës. Dyshohet se zjarri ka qenë i qëllimshëm.

Gazetarja e “BalkanWeb”, Dorjana Bezat raporton se mjetet tip “Volksvagen Golf 6” dhe “Volksvagen Pasat” kanë qenë të parkuara tek oborri i pallatit.

Kamerat e sigurisë kanë fiksuar një mashkull me kostum sportiv të bardhe me kapuç,  i cili afrohet  mjetit golf 6 në pronësi të Licos dhe pasi e spërkat i vë zjarrin dhe largohet me vrap.

Mjetet janë djegur pjesërisht me dëme të lehta, pasi flakët u fikën menjëherë nga kalimtarët te cilët ndërhynë sapo panë flakët. Në vendngjarje u gjet e sekuestrua në cilësinë e provës materiale një shishe plastike gjysmë e djegur, të cilën përdori autori për të spërkatur makinat./bw

KOMENTO

Please enter your comment!
Please enter your name here