Humbin jetën dy alpinistë në minierën “Buçim”, Radovishi shpalli ditë zie

0

Ngjarje tragjike ka ndodhur në minierën “Buçim” të Radovishit, ku humbën jetën tragjikisht dy alpinistë. Shkaku i tragjedisë nuk dihet.

Vendi i aksidentit është ende duke u siguruar nga policia, ndërsa është e ndaluar të shkohet deri atje. Terreni është fotografuar, ndërsa janë siguruar gjurmë dhe gjësende.

Nga Prokuroria thonë se janë lëshuar urdhra për të siguruar dokumentacionin teknik për siloset.

I gjithë dokumentacioni për angazhimin e dy alpinistëve, mes klubit “Ploça” dhe minierës “Buçim” do të rishikohet, dhe do të kontrollohet nëse janë respektuar rregullat e punës.

Gjetjet e autopsisë do të përcaktojnë shkakun e vdekjes së dy alpinistëve.

Nga Federata e alpinizmit të Maqedonisë thonë se viktimat kanë qenë alpinistë me përvojë. Pas ngjarjes tragjike ku jetën e humbën dy alpinistë, Këshilli i qytetit të Radovishit në seancë të jashtëzakonshme ditën e sotme e shpalli ditë zije.

KOMENTO

Please enter your comment!
Please enter your name here