Misteri i tragjedisë në Bullgari/ Prokuroria: Një person i mbijetuar është zhdukur, po hetojmë

0

Prokuroria bullgare bëri me dije këtë të enjte se pas aksidentit tragjik të autobusit, janë gjetur të pajetë 44 trupa ndërsa po hetohet nëse një i mbijetuar është zhdukur.

Zëdhënësja e kryeprokurorit të Bullgarisë, Siika Mileva në një konferencë për mediat tha se është takuar në spitalin “Pirogov” me një nga shtatë të mbijetuarit, i cili i ka treguar se si kishte thyer xhamin e pasmë të autobusit dhe se si kanë shpëtuar 8 persona.

Por Mileva tha se në autobus janë gjetur 44 trupa, ndërsa të mbijetuar në spital gjenden shtatë persona.

“Kështu është matematika e thjeshtë që kemi të dhëna se në autobus ishin 52 pasagjerë. Ne gjetëm 44 kufoma, 7 persona, 4 burra dhe 3 gra u shtruan në spital. Enigma e madhe mbetet – ku është personi i tetë? Ne punojmë në këtë version, nuk duam të ngatërrojmë publikun. Mund të jetë edhe një deklaratë e papërshtatshme nga një dëshmitar okular”, tha Mileva.

Siç shpjegoi ajo, një nga të mbijetuarit deklaroi kategorikisht se 8 persona u shpëtuan.

Kryehetuesi Sarafov e interpreton këtë dukuri si mundësi që njëri nga pasagjerët e autobusit të ketë kaluar në njërin nga tre autobusët e tjerë që ishin me atë të djegur.

“Për momentin është një enigmë për ne, por do të jetë objekt hetimi”, tha Sarafov.

KOMENTO

Please enter your comment!
Please enter your name here