Pandemia dhe rrjetet sociale rrisin problemet e shëndetit mendor tek të rinjtë

0

Situata e pandemisë së COVID dhe rrjetet sociale po shkaktojnë rritje të problemeve të shëndetit mendor, duke përfshirë edhe çrregullimet e të ngrënit, tek të rinjtë.

Një studim i NHS në Londrën Perëndimore tha se referimet për shërbimet e shëndetit mendor për fëmijët dhe adoleshentët ishin rritur me 140%, sipas Sky News.

Lizzie, një ish-paciente në West London NHS Trust, zhvilloi anoreksi në adoleshencë pasi luftoi me ankthin dhe depresionin kur ishte vetëm 12 vjeç.

“Më kujtohet se isha shumë vetëm në shkollë. Unë gjithmonë isha vërtet e shoqërueshme. Unë isha duke ngrënë drekë vetëm, duke u tërhequr gjithnjë e më shumë nga gjërat që unë bëja më parë”, tha ajo.

Lizzie, e cila tani po studion për t’u bërë mjeke, tha se sjellja e saj u bë gjithnjë e më e tërhequr dhe nuk u zbulua nga familja e saj apo mësuesit në shkollë.

Në kohën kur Lizzie mbushi 15 vjeç, anoreksia e saj u bë aq e keqe sa u shtrua në spital psikiatrik dhe u trajtua për 10 javë. Pikërisht atëherë Lizi e kuptoi për herë të parë se sa e sëmurë ishte vërtet.

“Unë hyra me mamin dhe babin tim dhe menjëherë personi i parë që pashë kishte një plagë në kokë nga përplasja. Dhe kjo ishte hera e parë që e shihja me të vërtetë këtë dhe isha pak e befasuar.”

“Dhe më pas mbaj mend një pacient tjetër atje, i cili kishte prerë të gjithë krahun. Mbaj mend natën time të parë në spital dhe sapo kisha vakti i parë atje ishte salcice dhe pure, dhe unë nuk e kisha ngrënë atë për ndoshta katër vjet. Dhe më pas tortë për ëmbëlsirë dhe mbaj mend që e hëngra atë dhe çuditërisht në fakt u ndjeva mjaft krenare për veten time, por kontaktova me prindërit e mi më vonë dhe më kujtohet se qava u thash atyre ju lutem më merrni. Isha absolutisht e tmerruar”, tha ajo.

Mbi një milion britanikë kanë çrregullim të të ngrënit

Rreth 1.25 milionë njerëz në Mbretërinë e Bashkuar kanë një çrregullim të të ngrënit, dhe ai merr më shumë jetë se çdo gjendje tjetër psikiatrike.

Një raport i ri nga Komiteti i Përbashkët për Shëndetin dhe Kujdesin Social ka kërkuar që të bëhet më shumë për të rregulluar mjekimet, duke përfshirë ndryshimin e përmasave të trupit ose ngjyrës së lëkurës.

Komiteti kërkon gjithashtu më shumë kontrolle për procedurat kozmetike jo-kirurgjikale, të tilla si injeksionet e botoksit, duke përfshirë një skemë licencimi për ofruesit apo standardet minimale të trajnimit.

Të dhënat digjitale të NHS tregojnë se përqindja e fëmijëve dhe të rinjve në Angli me probleme të mundshme të të ngrënit është rritur ndjeshëm që nga viti 2017, nga 6.7% në 13% tek 11-16-vjeçarët dhe nga 44.6% në 58.2%  tek 17-19-vjeçarët.

Në 2020/21, NHS pa një rritje prej 83% të kërkesës për shërbimet urgjente të çrregullimeve të të ngrënit dhe një rritje prej 41% për shërbimet rutinë.

Të dhënat tregojnë gjithashtu se midis prillit dhe tetorit 2021, ka pasur 4,238 shtrime në spital për çrregullime të të ngrënit për fëmijët e moshës 17 vjeç e poshtë, 41% më shumë krahasuar me të njëjtën periudhë të një viti më parë.

“Ka kaq shumë, s’kam parë kaq ndonjëherë në karrierën time”

Dr Derek Tracy, drejtor në West London NHS Trust, thotë se ai kurrë nuk ka parë një kërkesë kaq të lartë për trajtimin e shëndetit mendor.

“Kaq shumë nuk kam parë ndonjëherë në karrierën time. Nuk ka dyshim se ne jemi në një pozicion të ndryshëm nga vendi ku ishim në nivel kombëtar rreth tre vjet më parë. Numrat janë rritur, ata janë në rritje në të gjitha grupmoshat dhe në të gjitha llojet e prezantimeve. Dua të them, është e qartë që një ndër faktorët është pandemia”, tha ai.

“Ka një izolim të shtuar, puna nga shtëpia është e mrekullueshme për disa njerëz. Nuk është për njerëzit e tjerë. Dhe mendoj se mënyra jonë e jetesës ka ndryshuar dhe është një kohë ankthi, njerëzit do të kenë të afërm që janë të sëmurë, ndoshta vuajnë nga COVID ose vuajnë ata vetë.”

“Dhe këto gjëra duket se janë bashkuar në një stuhi të përsosur dhe duke shkaktuar disa ankthe të shëndetit mendor”, tha mjeku.

“Ka shqetësim për momentin se janë mediat sociale, roli që po luan, si e shohin njerëzit veten, si po angazhohen me botën. Numrat e lartë janë në Londër, në të gjitha rajonet dhe janë në nivel kombëtar”, shtoi ai.

KOMENTO

Please enter your comment!
Please enter your name here