Shënohet viktima e parë nga koronavirusi në Kosovë, 31 të prekur

0
4

Shënohet viktima e parë nga koronavirusi në Kosovë. Bëhet fjalë për një 85-vjeçar nga komuna e Podujevës. Rastin e ka konfirmuar vetë djali i të ndjerit, i cili ka thënë se babi i tyre ka ndërruar jetë.

Viktima është babai i të infektuarit që ka ardhur nga Italia. Ndërkohë edhe familjarët kanë bërë të ditur për vdekjen e tij.
“Ju njoftojmë se sot me 22.03.2020 ndërroi jetë baba jonë Halim Haliti, ju njoftoj për ceremoninë e varrimit do të bëhet vetem nga familja e ngushtë. E di që shumë familjarë, miq dhe shokëve që ka pas baba për të marrë pjesë në varrim, po për shkak të situatës së fundit e cila është përhapur edhe në Kosovë dhe ruajtjes së shëndetit tuaj, varrimi do të bëhet vetëm nga ne familja e ngushtë. Me respekt familja Haliti!”, thuhet në njoftimin mortor.

Numri i të infektuarve me koronavirus në Kosovë ka shkuar në 31. Qeveria po bën vazhdimisht apel te qytetarët të qëndrojnë në shtëpi dhe ta mbajnë higjienë.

KOMENTO

Please enter your comment!
Please enter your name here