Skafi me refugjatë mbytet në Greqi, humb jetën një vajzë 9 vjeçe

0

 

Një vogëlushe 9 vjeçe ka humbur jetën orët e para të së enjtes, pas mbytjes së një skafi me refugjatë në ujërat greke.

Ngjarja tragjike ka ndodhur në veriperëndim të ishullit Kastelorizos, kur skafi u përmbys për shkak të kushteve të këqija të motit.

Një skaf i agjencisë europiane Frontex arriti të shpëtonte pesë persona, mes të cilëbe edhe vajzën e vogël, e cila paraqiti probleme shëndetësore. Ajo u dërgua urgjentisht në qendrën shëndetësore të ishullit, por me gjithë përpjekjet e mjekëve nuk mundi të mbahej në jetë.

Në orët e para të mëngjesit u njoftua se një skaf i policisë bregdetare greke gjeti 20 të mbijetuar.

Nuk dihet ende se sa persona ndosheshin në bordin e skafit, që ishte nisur nga brigjet e Turqisë.

Ekipet e shpëtimit, të ndihmuara edhe nga një helikopter po vazhdojnë kërkimet në zonë, ku vlerësohet se mund të ketë dhe të mbijetuar të tjerë, të cilët për momentin konsiderohen të zhdukur.

KOMENTO

Please enter your comment!
Please enter your name here