Trump firmos Dekretin me të cilin dënon të gjitha grupet ekstreme

0

Trump firmos Dekretin me të cilin dënon të gjitha grupet ekstreme

Presidenti i Shteteve të Bashkuara të Amerikës (SHBA) Donald Trump firmosi Dekretin me të cilin dënon të gjitha grupet që synojnë dominimin e të bardhëve ndaj njerëzve me ngjyrë, grupet neo-naziste dhe të ngjashme.

Në kumtesën e Shtëpisë së Bardhë, në dekretin e nënshkruar thuhet: “Ne si amerikanë, dënojmë aktet e fundit të dhunës në Charlottesville, dhe kundërshtojmë çdo lloj përhapje të urrejtjes dhe jotolerancës”.

Trump gjithashtu u bën thirrje të gjithë shtetasve të SHBA-ve që përsëri të mblidhen në dashuri dhe besim dhe në vlerat që i bashkojnë ata.

Pas trazirave në Charlotesville, në shtetin federal amerikan Virxhinia, në të cilat një person humbi jetën dhe shumë të tjerë u plagosën, Trump fillimisht hezitoi të dënonte grupet ekstremiste, që shkaktoi shumë mospajtime dhe kritika në opinionin amerikan.

Trump tha se të dyja palët duhet të fajësohen për dhunën dhe trazirat në rrugët e shtetit federal të Virxhinias.

KOMENTO

Please enter your comment!
Please enter your name here