Zelensky i drejtohet audiencës në Festivalin e Filmit në Kanë

0

Presidenti ukrainas, Volodymyr Zelensky iu drejtua mbrëme pjesëmarrësve në Festivalin e Filmit në Kanë përmes një lidhjeje me video, ndërsa aktiviteti vjetor po zhvillohej.

Duke folur gjatë ceremonisë së hapjes, Zelensky bëri një krahasim me filmin e Charlie Chaplin “Diktatori i Madh” duke i bërë thirrje kinemasë botërore të mos heshtë përballë sulmit rus ndaj Ukrainës.

“Qindra banorë po vdesin çdo ditë”, tha ai.

Më pas, aktorja amerikane Julianne Moore hapi zyrtarisht festivalin e filmit me filmin e parë “Coupez!” (Final Cut).

Filmi i Michel Hazanavicius është një komedi, ku ngjarjet janë të vendosura në një fabrikë të pashfrytëzuar.

Fituesi i çmimit Oscar, Forest Whitaker, 60 vjeç u nderua gjithashtu me çmimin ”Palma e Artë”. Whitaker do të prezantojë filmin e tij “Për hir të paqes” në resortin francez. Bëhet fjalë për njerëzit që punojnë për paqen në Sudanin e Jugut.

Muret e dyqaneve dhe rrugëve në Kanë janë veshur me postera filmash dhe një instalacion i madh “Top Gun” është vendosur përpara Grand Hotel.

Të mërkurën, Tom Cruise pritet të prezantojë “Top Gun: Maverick”, vazhdimi i filmit kult të vitit 1986.

KOMENTO

Please enter your comment!
Please enter your name here