Zyra veterinare e Wissen an der Sieg, një qytet në Rheinland-Pfalz, Gjermani, duhej të ndërhynte për të pastruar shtëpinë e një gruaje që jetonte me rreth 800 minj.
Siç raportojnë mediat gjermane, zyra lokale veterinare ka marrë masa pas raportimeve të fqinjëve, të cilët ishin ankuar për erën e keqe që vinte nga shtëpia e gruas.Zyrës lokale veterinare iu deshën dy operacione për të pastruar shtëpinë nga minjtë.
"Në një operacion fillestar javën e kaluar, 400 minjtë e parë u hoqën," tha një zëdhënës i zyrës veterinare. Një tjetër operacion u krye më 7 shkurt: u gjetën 400 brejtës të tjerë.
Gruaja dyshohet se vuan nga një sindromë e rrëmbimit kompulsiv të lidhur me kafshët , ku një person beson se e ka situatën nën kontroll, por, përkundrazi, "është e mbingarkuar nga kjo", tha zëdhënësja e zyrës veterinare.
Shumë minj janë shtatzënë. Autoritetet do të duhet të vendosin nëse do të nisin procedurat kundër gruas.
