Noel dhe Sue Radford kanë zbuluar se cilët nga 22 fëmijët e tyre janë më të vështirë për t’u rritur – dhe nëse ka më foshnje në pritje. Prindërit e familjes më të madhe të Britanisë, nga Morecambe, u shfaqën sot në Loose Women të ITV, së bashku me tre nga fëmijët e tyre, Ellie, Amy Chloe dhe partneri i saj Jake, të cilët të gjithë u ulën në audiencë. Dyshja aktualisht kanë 18 fëmijë që jetojnë me ta në shtëpinë e tyre në fshat, për të mos përmendur disa kafshë shtëpiake.
Mënyra e tyre e egër e jetesës do të thotë që Sue shpesh mban shënime në telefonin e saj për të gjurmuar vendndodhjen e fëmijëve. “Jeta është e çmendur, por ne nuk do ta ndryshonim atë”, tha ajo. Por prindërit pranuan se disa nga fëmijët e tyre janë më të lehtë për t’u kujdesur se të tjerët.
Në përgjigje të pyetjes së prezantueses se cilët fëmijë janë më të vështirë për t’u rritur, Sue dhe Noel ranë dakord njëzëri për përgjigjen. “Adoleshentët, patjetër,” tha Sue. Ajo shtoi: “Merrem më kollaj me të vegjlit se adoleshentët’.
Noeli shtoi: ‘Sepse ata [të vegjlit] do t’i bëjnë vetë detyrat e shtëpisë dhe nëse ngecin, vijnë tek ne. Por në përgjithësi, ata thjesht vazhdojnë.’
Prindërit shtuan se ndërsa rritja e adoleshentëve mund të jetë një detyrë më e vështirë, ata ndihmojnë me fëmijët më të vegjël. “Më të mëdhenjtë janë shumë të mirë me të vegjlit edhe me detyrat e shtëpisë, ata vërtet kënaqen duke e bërë atë me ta”, tha Noel.
Gazetari më pas pyeti tre fëmijët: ‘Ju jeni nga një familje shumë e madhe, a dëshiron ndonjë prej jush të ndjekë gjurmët e mamasë dhe babait tuaj dhe të ketë një familje të madhe si e juaja?’ Treshja tha ‘definitivisht jo’ në unison, duke shkaktuar të qeshura nga turmat. Gazetari pyeti çiftin nëse kishin ndërmend të kishin fëmijë të tjerë në të ardhmen.
“Në fillim donim tre fëmijë, por dhjet vazhduam”, tha dyshja. Por pas 22 fëmijëve, Sue tha: ‘Patjetër jo më. Noel pranoi dhe shtoi: ‘Ne e kemi mbyllur.
