Ministri turk i Punëve të Jashtme, Hakan Fidan, ka theksuar angazhimin e palëkundur të vendit të tij ndaj dispozitave të Konventës së Montreux-it të vitit 1936 që rregullon kalimin e anijeve nëpër ngushticat turke.
Duke folur në një konferencë të përbashkët për media në Sofje me homologen e tij bullgare, Mariya Gabriel, Fidan tha se Türkiye vazhdon të zbatojë Konventën e Montreux-it, duke shtuar se diskutimi i kësaj çështje është jashtë diskutimit.
“Ruajtja e qetësisë në Detin e Zi dhe parandalimi i iniciativave që mund ta rrezikojnë atë janë ndër prioritetet tona themelore si zbatues i Konventës së Montreux-it”, tha Fidan.
Duke shprehur kënaqësinë për marrëveshjen midis Türkiyes, Bullgarisë dhe Rumanisë për krijimin e një grupi detar kundër minave në Detin e Zi, Fidan e vlerësoi këtë si një shembull të bashkëpunimit rajonal të sigurisë.
Ai theksoi se Türkiye e sheh këtë nismë jo vetëm si një demonstrim të pronësisë rajonale, por edhe si një hap në përputhje me frymën e aleancës.
Fidan u prit në takim në Sofje edhe nga presidenti bullgar, Rumen Radev.
Fidan së bashku me kryemyftiun e Bullgarisë, Mustafa HAcin, vizituan edhe xhaminë Banya Bashi në Sofje./aa
