“Do të vijojë aksioni në Parlament!”, Bardhi për marrëveshjen Rama-Meloni: Vendimi i Kushtetueses, tradhti kombëtare

Kreu i grupit parlamentar të Partisë Demokratike Gazment Bardhi në një deklaratë për mediat, ka deklaruar se vendimi i Gjykatës Kushtetuese në lidhje me marrëveshjen me Italinë për emigrantët, është tradhti kombëtare.

Ai ka shtuar se marrëveshja përfshin Shqipërinë në hartën e vendeve që cënon të drejtat e qytetarëve.

Bardhi ka konfirmuar se aksioni i opozitës në Parlament do të vijojë.

“Dua pa dyshim të bëj një koment për vendimin e GJK për marrëveshjen me Italinë për emigrantët. Keqardhje e thellë që GJK nuk u ngrit në interesin e opinionit publik, nuk kërkoi mendim të pavarur të GJEDNJ, akt i tradhtisë kombëtare.

Marrëveshja përfshin Shqipërinë në hartën e vendeve që cënon të drejtat e qytetarëve.

Dënoj ndërhyrjen e kabinetit të Ramës në anëtarë të GJK dhe shpreh keqardhjen që nga anëtar të betuar mbi Kushtetutë u ndërruan në Vali Bizhga në GJK. Rikonfirmoj vendimin e grupit të PD për të vijuar aksionin në Parlament”, tha mes të tjerash ai.