Lidhja e Gerard Piques me Clara Chian muajt e fundit ka qenë në vëmendje të madhe.
Çifti fillimisht kanë zbuluar se si dhe kur janë njohur, ndërsa dashurinë e tyre pak nga pak e kanë shfaqur publikisht.
Por më pas erdhi kënga e Shakirss me Bizarrap, e cila i ktheu të dy në qendër të vëmendjes sërish.
Dhe pikërisht kur u duk se ujërat ishin qetësuar, Pique dhe Clara Chia janë kthyer sërish në lajme.
Siç shihet është shumë e ndërlikuar për ta që ta çojnë natyrshëm lidhjen e tyre.
Një video është publikuar në TikTok, në të cilën ish-lojtari dhe e dashura e tij dyshohet se janë dëbuar nga një restorant japonez në Barcelonë.
Dhe gjëja më tronditëse do të kishte qenë arsyeja: me sa duket pronari ishte një fans i Shakiras dhe kur çifti hyri në restorant, kamerieri nuk pranoi t’i shërbente.
Thuhet se Clara Chia është mërzitur shumë kur doli nga restoranti. Në video shihen të dy duke u futur në makinë dhe disa përdorues të rrjeteve sociale pretendojnë se arsyeja e dëbimit ishte se pronari ishte një fans i këngëtares kolumbiane.
Në video është e vërtetë që Clara duket e mërzitur para se të hipte në makinë dhe kjo i ka lënë të lirë edhe këtij opsioni. Pique qëndron pas saj në çdo moment dhe më pas ndahen për të hipur në makinë.
