Administrata amerikane po përgatitet t'i shesë Izraelit 50 avionë luftarakë F-15 me vlerë 18 miliardë dollarë, të cilit i ofron mbështetje pa kushte, në krizën e vazhdueshme humanitare në Gaza.

Në lajmin e publikuar në kanalin amerikan CNN dhe bazuar në zyrtarë të paidentifikuar të administratës së Bidenit, thuhet se administrata amerikane ishte afër një shitjeje të re armësh për Izraelin.

Në lajm thuhet se janë zhvilluar shumë takime mes administratës së Bidenit dhe Kongresit në lidhje me avionët luftarakë, për të cilët Izraeli ka aplikuar për herë të parë për blerje në janar 2023 dhe procesi jozyrtar ka përfunduar.

Theksohet se njoftimi zyrtar në lidhje me shitjen, i cili mori 'dritën e gjelbër' nga kryetari i Komisionit të Punëve të Jashtme të Dhomës së Përfaqësuesve, Michael McCaul, më 30 janar, pritet t'i dërgohet Kongresit së shpejti nga administrata e Bidenit.

- Procesi i vlerësimit në Kongres është çështje kurioziteti

Është e habitshme se si do të reagojnë senatorët dhe përfaqësuesit demokratë që kritikojnë mbështetjen e pakushtëzuar të armëve për Izraelin gjatë periudhës 15-ditore të vlerësimit në Kongres lidhur me shitjen.

Disa senatorë demokratë kërkuan që të ndalohej shitja e armëve në Izrael dhe i shkruan letër presidentit amerikan Joe Biden, duke kërkuar hetim se si u përdorën armët amerikane në Gaza.

Teksa iu përgjigj pyetjes së Anadolu-s për këtë temë, Departamenti Amerikan i Shtetit deklaroi se ata nuk i vlerësuan proceset e vazhdueshme të shitjes së armëve, por, si vendet e tjera, shitja e armëve në Izrael u krye në përputhje me procedurat e përcaktuara ligjore.

- Dërgesë e avionëve të rinj luftarakë dhe bombës së padrejtuar nga SHBA-ja në Izrael

Në lajmet e saj të premten, bazuar në zyrtarë të paidentifikuar të Pentagonit dhe Departamentit të Shtetit, gazeta amerikane "Washington Post" (WP) tha se administrata e Bidenit miratoi së fundmi dërgesat e reja të armëve në Izrael.

Në lajm u vu në dukje se administrata e Bidenit i bëri transferimet në fjalë në përputhje me njoftimet e mëparshme të Kongresit, këtë herë pa e njoftuar Kongresin apo pa i shpallur ato në publik.

Prandaj, u raportua se administrata amerikane, pa ia bërë të ditur publikut, miratoi shitjen e 25 avionëve F-35 dhe motorëve të avionëve Izraelit, i cili vazhdon sulmet e tij në Gaza si dhe dërgimin e 1.800 bombave MK84 të padrejtuara dhe 500 bombave MK8 të padrejtuara.

Thuhet se bombat MK84 të hedhura nga Izraeli në Gaza, me peshën e tyre prej rreth 900 kilogramë dhe dëme shkatërruese, luajtën rol të madh në vrasjen e civilëve. Në mënyrë të ngjashme, bombat MK82 prej 220 kilogramësh përkufizohen si bomba të hedhura pa dallim sepse janë të padrejtuara./aa