Vladimir Putin ka mbërritur mbrëmjen e sotme (18 qershor 2024) në Korenë e Veriut, ku është pritur nga diktatori Kim Jong Un.
Sipas BBC, ai do të qëndrojë të paktën nëntë orë në Korenë e Veriut me udhëheqësin e Koresë së Veriut.
Vizita do të nisë me një ceremoni zyrtare të mirëseardhjes. Më pas Putin dhe Kim do të zhvillojnë një takim me dyer të mbyllura për rreth 90 minuta.
Ata do të vazhdojnë bisedimet e tyre "gjatë një shëtitjeje rreth rezidencës së liderit të Koresë së Veriut", raporton media ruse Tass.
Vizita do të përfundojë me nënshkrimin e disa dokumenteve të përbashkëta dhe një konferencë për shtyp.
Të dy vendet janë nën sanksione ndërkombëtare dhe bashkëpunimi i tyre në rritje po vëzhgohet nga afër nga SHBA dhe aleatët e saj.
Vizita e Putinit mendohet se ka për qëllim blerjen e municioneve nga Koreja e Veriut për pushtimin e tij në Ukrainë./Shqiptarja
