Katër miligramë në ditë tre orë para gjumit.
Në këtë kohë dhe me këtë dozë, melatonina është vërtet efektive kundër pagjumësisë, sipas një studimi të ri të kryer në Universitetin e Pizës.
“Për herë të parë studimi ynë jep indikacione të sakta se si të përdoret në mënyrë efektive melatonina për të nxitur gjumin. Deri më tani studimet e kryera kanë dhënë rezultate jokonsistente: hipoteza jonë është se ajo varej nga skema e administrimit, nga një kombinim jo fiziologjik i kohës dhe dozës”, thekson Ugo Faraguna, koordinator i studimit.
Analiza u krye në 26 studime të rastësishme të publikuara midis 1987 dhe 2020, për një total prej 1689 vëzhgimesh mbi pacientët me pagjumësi dhe vullnetarë të shëndetshëm, të cilët vlerësuan efektin e administrimit të melatoninës në gjumë.
Krahasuar me indikacionet më të përdorura në praktikën klinike, pra 2 mg 30 minuta para gjumit rezultatet tona sugjerojnë se për të optimizuar efektin e melatoninës është e rëndësishme të çoni përpara administrimin në 3 orë para gjumit dhe të rrisni dozën”, shton ai.
Në 4 mg në ditë, përveç parashikimit, koha e administrimit duhet të personalizohet në bazë të ritmit të gjumit/zgjimit të secilit pacient, në mënyrë që të riprodhohet prodhimi natyral i melatoninës tek njerëzit./ata
