Argjentina mundi Kanadanë me rezultat 2-0 për të kaluar në finalen e CONMEBOL Copa America 2024.
Julian Alvarez shënoi golin e parë në ndeshje në një situatë një me një kundër portierit kanadez Maxime Crepeau në minutën e 22-të në stadiumin "MetLife" në East Rutherford, New Jersey.
Superylli argjentinas Lionel Messi dyfishoi epërsinë në minutën e 51-të.
Duke fituar gjysmëfinalen ndaj Kanadasë, Argjentina, kampione e vitit 2021, do të luajë kundër Kolumbisë ose Uruguajit në finalen e së dielës në Miami, Florida.
Kolumbia do të takohet me Uruguajin në ndeshjen e gjysmëfinales që do të zhvillohet të mërkurën në Charlotte të Karolinës së Veriut.
Kanadaja, e cila humbi gjysmëfinalen, do të luajë një "play-off" për vendin e tretë të shtunën./aa
