Ministri i Transportit dhe Infrastrukturës i Türkiyes, Abdulkadir Uraloğlu, ka bërë të ditur se Turksat 6A, sateliti i parë vendas i komunikimit, ka përfunduar ndezjen e tij të pestë dhe të fundit.
"Ndezja e pestë dhe e fundit, e cila zgjati për 5,5 minuta dhe filloi në 23:58, përfundoi me sukses", shkroi Uraloğlu në X, duke shtuar se “gjithçka po shkon pa probleme dhe nën kontroll në udhëtimin tonë hapësinor”.
Turksat 6A u lançua javën e kaluar në hapësirë si rezultat i punës 10 vjeçare, duke e çuar numrin e satelitëve aktiv të Türkiyes në nëntë.
Pasi kaloi me sukses të gjitha testet, Turksat 6A u nis në hapësirë nga raketa Falcon 9 e kompanisë Space X më 8 korrik.
Me përvojën e inxhinierëve turq që prodhuan Turksat 6A, Türkiye u bë një nga vendet e pakta që mund të prodhojnë satelitë të komunikimit dhe synon të bëhet një eksportues i satelitëve.
Turksat 1C, pasuesi i satelitit të parë të komunikimit, Turksat 1B, u lançua në vitin 1996, i ndjekur nga Turksat 2A në 2001, Turksat 3A në 2008, Turksat 4A në 2014, Turksat 4B në 2015 dhe Turksat 5A në 2021/AA
