Kombëtarja e Argjentinës mposhti 2-0 Panamanë në ndeshjen miqësore ndërsa ylli i futbollit Lionel Messi shënoi golin e 800-të në karrierën e tij, transmeton Anadolu.
Në ndeshjen e luajtur në stadiumin "Monumental" në kryeqytetin argjentinas, Buenos Aires, Messi goditi shtyllën në dy goditje të lira, duke shënuar gol në minutën e 89-të. Ky ishte goli i 800-të në karrierën e tij.
Duke folur pas ndeshjes, Messi tha: "Dua të falënderoj të gjithë tifozët për dashurinë që treguan, jo vetëm pas Kupës së Botës, por edhe në Copa America. Ne thamë se do të japim gjithçka për këtë trofe".
Futbollistët argjentinas para fillimit të ndeshjes pozuan para Kupës së Botës, ndërsa Messi, trajneri Lionel Scaloni dhe lojtarë të tjerë sollën familjet e tyre në stadium.
Sipas Federatës Ndërkombëtare të Historisë dhe Statistikave të Futbollit (IFFHS), Messi është lojtari i dytë që arrin 800 gola në karrierën e tij, pas portugezit Cristiano Ronaldo.
Ylli 38-vjeçar portugez shënoi golin e tij të 800-të në dhjetor 2021.
- 672 nga golat janë në Barcelonë
35-vjeçari Messi luajti 778 ndeshje dhe shënoi 672 gola për Barcelonën, ku kaloi 17 vite të karrierës së tij.
Ylli argjentinas ka shënuar 30 gola për skuadrën franceze që kur u bashkua me Paris Saint-Germain në verën e vitit 2021.
Messi, i cili fitoi Kupën e Botës për herë të parë në Katar, ka 98 gola me kombëtaren, së bashku me 7 gola këtu.
