Ish-presidenti i Shteteve të Bashkuara, Donald Trump, ka dëshmuar sërish për 7 orë dhe i është përgjigjur pyetjeve në një proces gjyqësor në Nju Jork.
Depozitimi i Trump të enjten erdhi një javë pas aktakuzës historike të ish-presidentit në një çështje penale në lidhje me pagesat e heshtura ndaj aktores së rritur Stormy Daniels.
Prokurorja e Përgjithshme e Nju Jorkut Letitia James ka akuzuar ish-presidentin dhe fëmijët e tij Donald Trump Jr., Eric Trump dhe Ivanka Trump dhe Organizata Trump, se ishin të përfshirë në një skemë duke ofruar deklarata të rreme financiare për huadhënësit dhe të tjerët që ish-presidenti i përdori për t’u pasuruar.
Padia 250 milionë Dollarë synon të ndalojë aftësinë e Trump për të operuar një biznes në shtet. Çështja është caktuar për gjykim në Tetor. Familjarët e Trump i kanë mohuar akuzat.
Përpara dëshmisë së tij, Trump, i cili po përballet me një mori hetimesh civile dhe penale, e përshkroi padinë si “një tjetër persekutim të padrejtë dhe qesharak”.
“Kjo çështje civile është qesharake, ashtu si të gjitha rastet e tjera të Ndërhyrjes Zgjedhore që janë ngritur kundër meje”, shkroi Trump në faqen e tij të mediave sociale Truth Social.
Trump javën e kaluar u deklarua i pafajshëm për 34 akuza penale në lidhje me pagesat e parave të heshtura të bëra gjatë kandidimit të tij të suksesshëm për president në vitin 2016. Republikanët e kanë dënuar çështjen e parave si një përpjekje e motivuar politikisht nga Prokurori i Qarkut të Manhatanit, Alvin Bragg, një demokrat, për të prishin kandidaturën e Trump për zgjedhjet presidenciale të vitit 2024.
Trump është gjithashtu nën hetim për përpjekjen e tij për të përmbysur rezultatet e zgjedhjeve të 2020, keqpërdorimin e supozuar të dokumenteve të klasifikuara dhe përfshirjen e tij në trazirat e 6 janarit në kryeqytetin amerikan.
