Fotot e para të katër fëmijëve që mbijetuan për mrekulli për 40 ditë në një xhungël kolumbiane janë publikuar nga Daily Mail.
13-vjeçari Leslie, i cili rezultoi vendimtar për mbijetesën e fëmijëve , Soleini 9-vjeçar, Tien Noriel 4-vjeçar dhe Christine një-vjeçare po trajtohen në një spital ushtarak në kryeqytetin kolumbian, Bogota.
Gjithashtu janë publikuar edhe vizatimet e para të bëra nga dy fëmijët më të mëdhenj, ku ylli është Wilson, qeni bari belg, i cili mori pjesë në operacionin për gjetjen e tyre dhe që prej atëherë është zhdukur.
Qeni ishte i rëndësishëm në gjetjen e katër fëmijëve që u zhdukën më 1 maj kur avioni me të cilin po udhëtonin u rrëzua, duke vrarë nënën e tyre, pilotin dhe kreun e një fisi indigjen.
Fëmijët ia dhanë vizatimet kreut të Forcave të Armatosura të Kolumbisë, Plakut Giraldo, kur ai i vizitoi në spital, duke i kërkuar që t'ia jepte kujdestarit të Wilson .
Në pikturën e Lelsy-t, Wilson gjashtëvjeçar është përshkruar pranë një lumi plot me peshq, një pemë, disa lule të verdha dhe një diell të ndritshëm. Soleini pikturoi Wilson pranë një peme, një lule, dielli që shkëlqen dhe një flamur kolumbian me mesazhin "i bekuar gjithmonë".
Uillson thuhet se qëndroi me fëmijët për disa ditë përpara shpëtimit të tyre përfundimtar. “Na jepte informacione, na shikonte dhe sikur donte të na thoshte diçka. Ai hynte dhe dilte nga xhungla, "përshkroi një tjetër mbajtës qensh i përfshirë në Operacionin Esperanza (fjala për shpresën në spanjisht).
.
