Eva Kaili, e përfshirë në hetimin belg për Katargate, paditi Parlamentin e BE-së “për shkelje të imunitetit të saj parlamentar, pasi ishte monitoruar nga shërbimet sekrete gjatë periudhës kur ajo mori pjesë në komisionin Pega, i cili po hetonte institucionalisht aktivitetet e eurodeputetëve dhe qytetarëve të BE-së”.
Kështu kanë bërë të ditur avokatët e ish-nënkryetares së Parlamentit Evropian. E arrestuar më 9 dhjetorin e kaluar, Kaili u lirua më 25 maj me kusht.
44-vjeçarja Eva Kaili u akuzua për pjesëmarrje në organizatë kriminale, korrupsion dhe pastrim parash.
Arrestimi i saj nxori në dritë një hetim mbi një skemë që përfshin shuma “të mëdha” parash dhe dhurata “të rëndësishme” që dyshohet se janë paguar nga Katari dhe Maroku për të ndikuar në politikëbërjen evropiane.
Ajo ishte një nga pesë personat e arrestuar dhe akuzuar penalisht nga autoritetet belge, së bashku me partnerin e saj vendas Francesco Giorgi, ish eurodeputetin Pier Antonio Panzeri, eurodeputetin belg Marc Tarabella dhe drejtorin e OJQ-së “Nuk ka paqe pa drejtësi” Niccolò Figà-Talamanca.
Tashmë Eva Kaili del e lirë me kushte, pas vendimit të prokurorisë për heqjen e survejimit elektronik dhe arrestit shtëpiak.
