Kryeministri holandez Mark Rutte, ka njoftuar dorëheqjen e tij dhe të kabinetit të tij, duke përmendur mospajtimet brenda koalicionit qeverisës për mënyrën e kontrollit të eimigracionit.
Vendimi i të premtes nga kryeministri më jetëgjatë i Holandës do të thotë se vendi do të përballet me zgjedhje të përgjithshme më vonë këtë vit për dhomën e ulët të parlamentit me 150 vende.
“Nuk është sekret që partnerët e koalicionit kanë pikëpamje shumë të ndryshme për politikën e emigracionit”, u tha Rutte gazetarëve në Hagë. “Dhe sot, për fat të keq, ne duhet të nxjerrim përfundimin se ato dallime janë të papajtueshme. Kjo është arsyeja pse unë do t’i ofroj menjëherë mbretit dorëheqjen e të gjithë kabinetit me shkrim.”
Rutte tha se ai do të drejtonte një qeveri të përkohshme deri në zgjedhje, e cila do të përqendrohej në detyra duke përfshirë mbështetjen e vazhdueshme për përpjekjet luftarake të Ukrainës.
Ligjvënësit e opozitës nuk humbën kohë duke kërkuar zgjedhje të reja.
Geert Wilders, kreu i Partisë kundër imigracionit për Liri, shkroi në Twitter: “Zgjedhje të shpejta tani”. Jesse Klaver, lideri i partisë së Majtë të Gjelbër bëri thirrje gjithashtu për zgjedhje dhe i tha transmetuesit holandez NOS: “Ky vend ka nevojë për një ndryshim drejtimi”.
