Vijon megaoperacioni antidrogë i koduar “Tempulli”. Në kuadër të këtij operacioni është kapur dhe ndaluar 26-vjeçari me iniciale E.K.

 

I riu ishte shpallur në kërkim pasi Gjykata e Shkallës së Parë të Juridiksionit të Përgjithshëm Tiranë i ka caktuar masën e sigurisë “arrest me burg” për veprën penale “prodhimi dhe shitja e narkotikëve”. Ai u arrestua në lagjen “28 Nëntori” të Elbasanit.

 

Vijon puna për lokalizimin dhe kapjen e shtetasve të tjerë të shpallur në kërkim në kuadër të këtij megaoperacioni.

 

Veprimet e mëtejshme procedurale për këtë shtetas do të kryhen nga strukturat e DVP Tiranë.