Aktivitetet e jetës së përditshme, veçanërisht në muajt e fundit, janë shumë të ndryshme në Lindje dhe Perëndim, përkatësisht në Gaza dhe disa vende të tjera në botë.
Fotoreporterët e agjencisë Anadolu "ndaluan" momente të luftës për jetë në Gaza dhe momente të përditshmërisë së këndshme gjetkë.
Ndërsa jeta në vendet perëndimore vazhdon normalisht, në sulmet izraelite të ekspozuara ndaj Gazës, opinioni botëror dëshmon dramën njerëzore dhe shkatërrim brutal, vrasje dhe katastrofë humanitare. Kështu në sheshin e famshëm "Times Square" në New York qytetarët po numërojnë ditët deri në festën e Vitit të Ri ndërsa në Gaza në spitalin "Shehid Aksa" palestinezët presin lajme për më të dashurit e tyre.
Shëtitja me biçikletë përgjatë lumit Hudson në New York, për nga peizazhi, por edhe për shumëçka dallon nga ajo në Khan Younis. Fishekzjarret mbi Moskë, me rastin e festimit të Ditës së Fitores, janë pjesë e gëzimit, ndërsa shpërthimet në qiellin mbi Gaza janë pararojë e vdekjes.
Në një festival në Spanjë, qytetarët mbanin njëri-tjetrin "në krye të turmës" në festë, ndërsa palestinezët, në vetëm një nga dhjetëra mijëra shembujt, mbanin trupin e kameramanit të Al Jazeera, Samir Abu Dakka, së bashku me mbishkrimin "press" të shënuar në pajisjet mbrojtëse, e cila nuk ishte pengesë për ushtrinë izraelite për ta vrarë atë dhe më shumë se 100 kolegë të tij.
Qytetarët e qyteteve perëndimore vërshuan qendrat tregtare gjatë uljes së çmimeve me rastin e festave ndërsa palestinezët mbushën rrugët në kolona të pafundme duke ikur nga një pjesë e Gazës në tjetrën, duke kërkuar siguri, ndërsa duke gjetur përsëri vdekjen./aa
