Në artikullin e tij në gazetën izraelite Haaretz, gazetari i njohur Gideon Levy tha se nuk ka asnjë mënyrë për të “shpjeguar” sjelljen e Izraelit në Rripin e Gazës dhe për të justifikuar shkatërrimin, vrasjen, urinë dhe rrethimin në një shkallë kaq brutale, madje edhe me një sistem efektiv propagande, siç është Diplomacia Publike izraelite (Hasbara).
Ai tha se nuk mund të fshihet më e keqja me asnjë lloj propagande. Ndonëse ngjarjet e 7 tetorit janë skalitur në kujtesë, ato nuk mund të justifikojnë atë që po ndodh në Gaza tani.
“Kush mund të shpjegojë apo justifikojë vrasjen e 162 foshnjave të palindura në një ditë, e lëre më vrasjen e rreth 10,000 fëmijëve në dy muaj?”, pyet ai.
Levy tha se Izraeli po punon për të rregulluar që hebrenjtë amerikanë të vizitojnë shtëpitë e djegura në jug për të parë dhe diskutuar “çfarë na kanë bërë këta antisemitë”.
Sipas gazetarit, në të ardhmen, asnjë mysafir zyrtar nuk do të mund të zbarkojë në Izrael pa kaluar nëpër koloninë Beeri dhe nëse guxon të shikojë edhe Rripin e Gazës, do të etiketohet si antisemitik.
Ai shpjegoi se ka shumë dyshime për dobinë e kësaj propagande, sepse një propagandë e tillë “konsiderohet një mjet joetik, por kushdo që nuk është i tronditur nga ajo që na ka ndodhur dhe injoron atë që kemi bërë që atëherë, nuk ka pikën e ndërgjegjes”.
Ai tha se është e nevojshme t’i transmetohet dhe t’i tregohet botës se çfarë u ka bërë lëvizja Hamas, por se në Rripin e Gazës ka shumë më tepër vuajtje, për të cilat nuk ka shpjegim dhe ai nuk ka nevojë për shpjegim.
Gazetari tha gjithashtu se administrata izraelite për diplomacinë është vetëm mashtruese sepse nuk përcjell të gjithë të vërtetën. Është e rëndësishme, thekson gazetari, të tërhiqet vëmendja ndaj mashtruesve që shtiren si heronj, siç është gruaja izraelite që vazhdonte të thoshte se “kombi hebre është populli indigjen i Izraelit”, dhe pasi zbarkoi në aeroportin ‘Ben Gurion’, shkoi në një strehë, filmoi veten dhe postoi në rrjetet sociale duke derdhur lot për të tronditur zemrat e çdo “aleati të Izraelit”. /tesheshi.com/
