Nikki Haley, ish e dërguara e SHBA-së në Kombet e Bashkuara (OKB) dhe guvernatorja nga shteti amerikan Karolina e Jugut, ka bërë të ditur se po braktis fushatën e saj presidenciale të vitit 2024, duke i lënë ish-presidentit Donald Trump rrugën e qartë drejt nominimit republikan.
Haley nuk e mbështeti ish-shefin e saj në njoftimin e tërheqjes së saj, përkundrazi tha se tani është detyra e tij të fitojë votat e atyre që mbështetën nominimin e saj për Shtëpinë e Bardhë.
“Jam e mbushur me mirënjohje për mbështetjen e madhe që kemi marrë nga i gjithë vendi ynë i madh. Por tani ka ardhur kohë për të pezulluar fushatën time. Tani i takon Donald Trumpit të fitojë votat e atyre në partinë tonë dhe përtej saj, (të atyre) të cilët nuk e mbështetën atë dhe shpresoj që ai ta bëjë këtë. Në të mirën e saj, politika ka të bëjë me sjelljen e njerëzve në kauzën tuaj, jo për t’i larguar ato dhe kauza jonë konservatore ka shumë nevojë për më shumë njerëz. Kjo është koha e tij për të zgjidhur”, u tha Haley mbështetësve në Karolinën e Jugut.
Njoftimi i Haley-t pritej plotësisht pasi ajo nuk arriti të prodhojë një shfaqje të fortë të martën.
Derisa ajo ishte gruaja e parë që fitoi një garë paraprake republikane, duke marrë kryeqytetin e vendit dhe shtetin e Vermontit, Trump ka dominuar prej kohësh në terren dhe ka përfshirë 14 nga 15 shtetet që votuan të martën./aa
