Kryeministri Edi Rama, gjatë takimit me strukturat e PS-së në Shkodër, e cilësoi këtë qytet si lokomotivën që do të tërheqë gjithë veriun me vete.
Ai deklaroi se do të investohet për të sjellë turistët në veri, pasi mali do të ketë më shumë fitime se plazhi.
Rama theksoi se ndërtimi i rrugëve në të gjithë Shqipërinë po vazhdon.
“Shkodra mund të bëhet modeli i një transformimi pozitiv dhe lokomotiva që do të tërheqë gjithë veriun me vete. Lërë çfarë thonë disa që e keni lënë veriun pas dore. Ne kemi bërë investime në veri dhe po bëjmë investime që synojnë të zbulojnë malet, sepse unë besoj fort që ne na është krijuar një stereotip në kokë, plazhi, apo jugu, por ajrin më të pastër të industrisë së turizmit Shqipëria e ka në mal. Do të sjellim turistët që do të vijnë për ski, për masazhet e trupit, etj., dhe industria e turizmit në Shqipëri do të ketë fitime më shumë sesa vijnë nga plazhi. Por kjo kërkon kohën e vet”, tha ai./ata
