Donald Trump do të lejohet të kthehet në Facebook dhe Instagram, pasi Meta njoftoi se do t’i jepte fund pezullimit dyvjeçar të llogarive të tij.
Ndalimi do të përfundojë “në javët e ardhshme”, tha gjigandi i mediave sociale.
Në një deklaratë, Nick Clegg, presidenti i Meta për çështjet globale, tha se publiku “duhet të jetë në gjendje të dëgjojë se çfarë thonë politikanët e tyre”.
Presidenti i SHBA-së u pezullua për një kohë të pacaktuar nga Facebook dhe Instagram pas trazirave të Kapitolit në 2021.
Meta mori vendimin pasi Trump përgëzoi njerëzit e përfshirë në dhunë në Kapitol.
“Pezullimi ishte një vendim i jashtëzakonshëm i marrë në rrethana të jashtëzakonshme”, shtoi Clegg.
Ai tha se llogaritë e Trump nuk përfaqësonin më një rrezik serioz për sigurinë publike.
Por për shkak të “shkeljeve” të së kaluarës Trump tani do të përballet me dënime të larta për çdo shkelje të ardhshme.
