Policia në Norvegji ka vendosur të armatosë oficerët në detyrë pas kërcënimeve të bëra ndaj komunitetit musliman.
Mediat lokale njoftuan se vendimi i drejtorit të përgjithshëm të policisë, i kumtuar përmes një deklarate të lëshuar gjatë fundjavës, vlen për oficerët në të gjithë vendin dhe hyri në fuqi të shtunën.
Zëdhënësi i policisë, Roar Hansen, u citua nga mediat lokale të thoshte se në Norvegji u regjistruan disa kërcënime kundër xhamive.
Ky veprim vjen përpara festimeve të Ramazan Bajramit këtë javë.
Policia norvegjeze në përgjithësi nuk mban armë, por për shkak të kërcënimeve, drejtori i përgjithshëm i policisë "ka vendosur që nga sot të armatosë policinë në nivel kombëtar", thuhet në deklaratë.
Në gusht 2019, 21-vjeçari Philip Manshaus hapi zjarr në qendrën islamike Al Noor në Baerum, një periferi të Oslos.
Ai plagosi një person dhe më pas u ndalua nga besimtarët muslimanë.
Para sulmit, ai vrau motrën e tij të adoptuar në shtëpinë e tyre dhe postoi mesazhe në internet duke lavdëruar sulmuesin në xhaminë në Christchurch, sulmuesin e sinagogës Poway dhe sulmuesin në El Paso, i cili shënjestroi latinët.
Manshaus u dënua me 21 vjet burg në qershor 2020./aa
