Presidenti i SHBA-së, Joe Biden priti në Shtëpinë e Bardhë liderët e Japonisë dhe Filipineve dhe tha se angazhimi i SHBA-së për mbrojtjen e Indo-Paqësorit është "i palëkundur".
Biden u takua në Washington D.C me kryeministrin e Japonisë, Fumio Kishida dhe presidentin e Filipineve, Ferdinand Marcos.
Në takimin e tre liderëve, ndaj kërcënimit ushtarak të Kinës në rajonin e Indo-Paqësorit, Biden tha: "Angazhimi i SHBA-së për mbrojtjen e Japonisë dhe Filipineve është i palëkundur. Ashtu siç kam thënë më parë, çdo sulm që do të kryhet ndaj avionëve, anijeve ose ndaj forcave të armatosura të Filipineve në Detin e Kinës Jugore, do të kalojë në veprim mbrojtjen tonë të përbashkët".
Në samitin e mbajtur në Shtëpinë e Bardhë, pika e fokusit kryesor të tre liderëve thuhet se do të jenë shqetësimet lidhur me veprimet provokative të Kinës në Paqësor. Samiti synon të kundërshtojë tentativat e Kinës për të "frikësuar" rajonin dhe për të dërguar mesazhin se Kina është "jashtë vendeve të rajonit".
SHBA-ja, Japonia dhe Filipinet takohen për herë të parë në një samit të tillë.
Liderët pritet të njoftojnë se forcat e Rojës bregdetare do të kryejnë patrullime të përbashkëta në Indo-Paqësor, si vazhdim i stërvitjeve të forcave të zbatimit të ligjit që aleatët zhvilluan vitin e kaluar në ujërat në afërsi të Detit të diskutueshëm të Kinës Jugore./aa
