Qeveria spanjolle njoftoi të enjten krijimin e një komiteti të posaçëm për të mbikëqyrur Federatën e Futbollit të vendit (RFEF) derisa organi qeverisës të mbajë zgjedhje të reja.
Vendimi u mor "në përgjigje të krizës në organizim dhe në mbrojtje të interesit të përgjithshëm të Spanjës", tha në një deklaratë Këshilli Kombëtar i Sporteve (CSD), e cili është agjencia qeveritare përgjegjëse për sportin.
Lëvizja vjen pas muajsh skandalesh pas një hetimi për korrupsion të shkaktuar nga një puthje e pakërkuar nga ish-kreu i RFEF, Luis Rubiales, ndaj lojtares Jenni Hermoso në ceremoninë e ndarjes së çmimeve në fushë për suksesin e Spanjës në Kupën e Botës për femra në Sydney.
"Qeveria spanjolle e ka marrë këtë vendim për të korrigjuar situatën e rëndë që po kalon RFEF dhe për të lejuar organizatën të fillojë një periudhë rigjenerimi", tha CSD.
“Ky Komisioni për Mbikëqyrjen, Normalizimin dhe Përfaqësimin do të drejtohet nga persona të pavarur me prestigj të njohur”, thuhej në vendim./Shqiptarja
