Në kuadër të projektit rajonal AENOR, të financuar nga BE u zhvillua në Tiranë, takimi i parë me Zyrtarët e Lartë të Shëndetit të Bimëve (COPHs) për 6 Vendet e Ballkanit Perëndimor (Shqipëri, Bosnjë-Hercegovinë, Kosovë, Maqedoni e Veriut dhe Serbi), ku Shqipëria kryesonte takimin me postin e presidencës.
Pjesë e këtij takimi, përveç ekspertëve ndërkombëtarë, ishte dhe përfaqësuesi i DG SANTE, Roman Vagner.
Ky takim ka si qëllim të promovojë bashkëpunimin ndërkufitar për mbrojtjen e shëndetit të bimëve, të harmonizuara me standardet dhe kriteret e legjislacionit të BE-së dhe Konventës Ndërkombëtare të Mbrojtjes së Bimëve.
Pas diskutimeve dhe rekomandimeve nga COPHs, përfaqësuesit e vendeve përkatëse u dakordësuan për termat e referencës se si do funksionojë COPHs në vazhdimësi edhe pas përfundimit të projektit.
Gjithashtu u dakordësua ngritja e “Fokus Grupeve” për legjislacionin, mbikëqyrjen e dëmtuesve dhe të laboratorëve.
Takimet e COPHs do të vijojnë me takime dy herë në vit me të gjithë vendet e Ballkanit Perëndimor./ata
