Kryeministri i Sllovakisë, Robert Fico, është dërguar në spital pasi u qëllua me armë dhe mbeti i plagosur.
Sipas agjencisë së lajmeve TASR, incidenti ndodhi kur një sulmues qëlloi disa të shtëna para Shtëpisë së Kulturës në qytetin qendror Handlova, ku po mbahej një mbledhje e qeverisë.
Agjencia TASR raportoi se sulmuesi u arrestua menjëherë pas sulmit.
Televizioni lokal JOJ raportoi se një burrë në turmë hapi zjarr ndaj kryeministrit sllovak kur ai doli nga ndërtesa për të përshëndetur banorët e qytetit./aa
