Interesi mesatar për depozitat e reja me afat në lekë rezultoi 1.9% në tremujorin e parë të vitit 2024, duke ruajtur nivelin mesatar të regjistruar në tremujorin e mëparshëm.
Banka e Shqipërisë bëri të ditur se, interesi i depozitave me afat deri në një vit ka vijuar rritjen graduale, reflektuar në këtë tremujor.
Gjithashtu sipas BSH-së, interesi mesatar për depozitat e reja me afat në euro mbeti gjithashtu i pandryshuar në këtë tremujor në 1.1%.
Diferenca mes interesit të depozitave në lekë dhe atyre në euro ka mbetur e qëndrueshme pranë niveleve mesatare të vitit të kaluar, prej 0.7 pikë përqindje.
Pavarësisht normave relativisht të ulëta të interesit, depozitat bankare po vazhdojnë rritjen. Sipas të dhënave nga Banka e Shqipërisë, në fund të tremujorit të parë 2024 totali i depozitave bankare arriti në afërsisht 1.6 trilionë lekë.
Depozitat janë rritur me rreth 3.3 miliardë lekë gjatë tremujorit të parë dhe me 51 miliardë lekë (rreth 5.1%) krahasuar me të njëjtën periudhë të një viti më parë./ata
