Turi i 81-të çiklistik i Shqipërisë nisi udhën e tij këtë të hënë në mesditë nga sheshi “Skënderbej” ndërsa faza e parë përfundon në Korçë. Në total do të jenë 723 kilometra, të cilat do të përshkohen nga çiklistët që garojnë në turin e 81-të çiklistik në Shqipëri.
Etapa e parë filloi në Tiranë dhe do përfundojë në Korçë. Në total do të jenë pesë etapa deri në datën 24 maj, teksa policia njoftoi një ditë më parë dhe masat e marra.
Etapat:
Etapa e parë, nisi sot në orën 12.00, nga sheshi “Skënderbej”, Tiranë dhe përfundon në Korçë.
Etapa e dytë starton në orën 12.00 të datës 21.05.2024, nga Korça dhe përfundon në Elbasan.
Etapa e tretë starton në orën 12.00 të datës 22.05.2024, nga Elbasan-Kuçovë-Ura vajgurore-Lushnjë dhe përfundon në Vlorë.
Etapa e katërt starton në orën 12.00 të datës 23.05.2024, nga Vlora-Lumi i Vlorës-Himarë dhe përfundon në Llogara.
Etapa e pestë dhe e fundit starton në orën 10.00 të datës 24.05.2024, nga Vlora dhe përfundon në Fier./ata
