Të paktën 10 persona, kryesisht gra dhe fëmijë, vdiqën këtë të martë kur një autobus me rreth 20 pasagjerë rrëshqiti nga një traget dhe u zhyt në lumin Nil afër Kajros, thanë autoritetet egjiptiane, duke shtuar se shkaku i aksidentit nuk ishte ende i qartë.
Mediat shtetërore raportuan se të paktën pesë gra janë zhdukur, raporton AP.
Ahmed Rashed, guvernator i provincës Giza, një nga tre provincat që përbëjnë Kajron e Madhe, tha se autobusi ishte nxjerrë nga lumi dhe përpjekjet e vazhdueshme për ta gjetur dhe shpëtuar atë kishin dështuar.
Ministria e Shëndetësisë bëri të ditur se gjashtë persona të lënduar janë trajtuar në vend, ndërsa tre janë dërguar në spitale, pa specifikuar natyrën e lëndimeve.