Malta ka bërë të ditur se do ta njohë Palestinën si shtet “kur të jetë koha e duhur”.
Një zëdhënës i qeverisë për ‘Time of Malta’ tha se Malta së fundmi ka pohuar gatishmërinë e saj për të njohur Palestinën “kur një njohje e tillë mund të japë një kontribut pozitiv dhe kur rrethanat të jenë të përshtatshme”.
“Në këtë drejtim, qeveria po monitoron zhvillimet në Lindjen e Mesme për të përcaktuar sa më parë afatet kohore optimale për këtë zhvillim të rëndësishëm”, tha zëdhënësi i qeverisë.
Sot, Norvegjia, Irlanda dhe Spanja njoftuan se do të njohin Palestinën si shtet dhe se vendimi do të hyjë në fuqi më 28 maj.
Njoftimet nga tre vendet evropiane vijnë derisa Izraeli vazhdon sulmet e tij brutale në Rripin e Gazës që kanë vazhduar që nga 7 tetori i vitit të kaluar, pavarësisht një rezolute të Këshillit të Sigurimit të OKB-së që kërkon një armëpushim të menjëhershëm.
Palestina është njohur tashmë nga tetë vende evropiane, përkatësisht nga Bullgaria, Polonia, Republika Çeke, Rumania, Sllovakia, Hungaria, Suedia dhe administrata e Qipros Greke./aa
