Egnatia është gati më shumë se kurrë për të fituar titullin kampion në Shqipëri. Kështu u shpreh sot në konferencën për medie të prag-sfidës me Partizanin, trajneri i Egnatias Edlira Tetova. Sipas tij, Egnatia do të japi gjithçka në finalen me Partizanin, që do të luhet nesër në mbrëmje në “Air Albania”. Ndeshje e parashikuar të nis në ora 19:00, do të vendosi dhe fituesin e titullit kampionë të Shqipërisë.
Tetova thotë se Egnatia arriti të kryesojë gjatë gjithë sezonit në kampionat. “Na vjen keq sepse kemi udhëhequr që nga java e 3-të. Skuadra është maksimalisht e përqendruar dhe ne kemi përgatitur gjithçka në detaje dhe besoj që do të bëjmë më të mirën. Normalisht gjithçka është e detajuar, pasi është finale. Lojtarët do të luajnë me të gjitha forcat e tyre”, tha Tetova.
I pyetur për kundërshtarin, Tetova nënvizoi se është i përqendruar tek skuadra e tij. “Nuk besoj se vlen eksperienca. Është një format i ri dhe gjithçka e re. Ekipi im pas Kupës ka një entuziazëm dhe jam i bindur se do të japim më të mirën. Rast i rrallë që për 1 vit të prekësh 4 finale. Kjo i bën mirë ekipit të luajë në finale dhe finalja e Superkupës dhe ajo e nesërmja nuk kanë asnjë lidhje. Nuk komentoj çfarë bën ekipi kundërshtar, unë jam i fokusuar te ajo çfarë ekipi im do të japë në fushën e lojës. Finalet janë për lojtarët dhe unë mendoj se strategjitë janë të pranishme. Janë dy skuadrat që kanë përfunduar të parët dhe të dytën në Superiore”, përfundoi timonieri i Egnatias
Së bashku me Edlir Tetovën në konferencën për shtyp ishte i pranishëm edhe Renato Malota.
“Është e vërtetë që Partizani ka lojtarë me eksperiencë, por ne e kemi vërtetuar që kemi një ekip solid dhe do t’ja dalim të bëjmë më të mirën. Nuk do të jetë problem për ne. Sa i përket strategjisë, nuk flas dot, nuk jam detaje para ndeshjes. Këto i përkasin trajnerit dhe ne do të flasim në fushë. Dihet që kjo finale është e rrallë dhe nuk ka ndodhur më përpara. Kemi fatin ta provojmë nesër. Kam pasur fatin të luaj shumë finale dhe shpresoj që edhe këtë herë të dal fitimtar”, thekson Malota./ata
