Ambasadorja e Republikës së Shqipërisë, në Greqi, Luela Hajdaraga prej ditës së djeshme ndodhet në Larisa ku u takua dhe bisedoi me përfaqësues të Brigadës Zjarrfikëse të kërkim-shpëtimit, të angazhuar pas aksidentit fatal të një dite më parë në Tempe.
Ambasada e Shqipërisë në Greqi bën të ditur në një postim në rrjetet sociale se Hajdaraga vizitoi gjithashtu Spitalin Universitar dhe Spitalin e Përgjithshëm të Larisës, ku po trajtohen disa shtetas shqiptarë të lënduar nga ky aksident. Ajo u informua mbi gjendjen e tyre shëndetësore.
Hajdaraga u takua me mjekë, por edhe me familjarë e të afërm të tyre, të cilëve u shprehu solidaritet dhe mbështetje në këto momente të vështira.
Greqia përjetoi aksidentin më të rëndë hekurudhor në historinë e saj, me përplasjen ballë për ballë mes një treni pasagjerësh dhe një autokolone. Numri i te vdekurve aktualisht ka arritur në 46.
