Një gazetar rus iu nënshtrua plagëve nga një sulm me dron nga ana e Ukrainës, thanë sot autoritetet ruse.
Mjekët nuk ishin në gjendje të shpëtonin jetën e kameramanit të televizionit NTV, Valery Kozhin, i cili u plagos rëndë në fshatin Horlivka në rajonin e Donetskut, thanë autoritetet lokale për mediat ruse.
Kozhin, së bashku me korrespondentin e NTV-së, Alexey Ivliev, dhe një oficer të ushtrisë ruse, emri i të cilit u fsheh për arsye sigurie, u sulmuan nga një dron i Ukrainës të enjten në mbrëmje.
Të tre u shtruan në spital dhe iu nënshtruan operacionit. Ivliev humbi njërën dorë, ndërsa fati i oficerit mbetet i panjohur.
Zëdhënësja e Ministrisë së Jashtme ruse, Maria Zakharova, e dënoi ashpër sulmin, duke akuzuar Ukrainën për "shënjestrimin e qëllimshëm të gazetarëve".
Zakharova u bëri thirrje organizatave përkatëse ndërkombëtare që të denoncojnë veprimet e Ukrainës./aa
