Lordi George Robertson, ish-Sekretar i Përgjithshëm i NATO-s, nuk e përjashtoi mundësinë e përshkallëzimit të situatës në Ballkanin Perëndimor, kur solli në vëmendje se në skenarët e Rusisë qëndrojnë planet për destabilizimin e disa shteteve të rajonit.
I ashtuquajturi “Kuvend panserb” dhe deklaratat kërcënuese që ai prodhoi, sipas ish-ministrit të Brendshëm të Kosovës, Bejtush Gashi, legjitimuan paralajmërimet ish-shefit të Aleancës Veriatlantike.
Realiteti i sotëm dikton dhe një përgjigje ndaj rrezikut për një ballafaqim ushtarak mes ushtrisë së Serbisë dhe misioneve të NATO-s, në Kosovë dhe Bosnjë. Gashi e konsideron të nevojshëm një përgatitje treplanëshe për reagim.
Një krizë në Ballkanin Perëndimor për të tërhequr vëmendjen nga Ukraina. Ky skenar i mundshëm rus duhet parandaluar në kohë nga NATO, theksojnë njohësit e çështjeve të sigurisë./Tema
